Vé / Sanctum


Solo exhibition in Listasalur Mosfellsbæjar, autumn 2026


Einkasýning í Listasal Mosfellsbæjar,
haust 2026

Vé

Landið man tíma án orða


í stórum dráttum 

gnæfir það óbreytt

en við erum ekki að horfa  

á stóra drætti 

við drögum þá smáu

staði innan staða

tifandi helgidóma 


þangað leitum við

til að verða aftur agnir

innan um lággróðurinn 

með köngulónum

og berjunum sem við misstum

ofan í lyngið


í leiðslu

skiljum við eftir eyður 

glufur milli skýja

tóm ár 

hólf fyrir orðin

þau smækka þau týnast

þeim fækkar


bilin  á milli þeirra vaxa